പത്തനംതിട്ട : റിപ്പബ്ലിക് ദിനത്തോടനുബന്ധിച്ച് ജില്ലാ പോലീസ് ഓഫീസ് വളപ്പിലും ദേശീയ പതാക ഉയർത്തി. റിപ്പബ്ലിക് ദിനത്തിൽ രാവിലെ 8 മണിക്ക് ജില്ലാ പോലീസ് മേധാവി സ്വപ്നിൽ മധുകർ മഹാജൻ ഐപിഎസ് ദേശീയപതാക ഉയർത്തുകയും അഭിവാദ്യം അർപ്പിക്കുകയും ചെയ്തു. അഡിഷണൽ എസ് പി എൻ രാജൻ, ഡി.സി.ആർ.ബി ഡി വൈ എസ് പി.എ.സന്തോഷ്കുമാർ, സൈബർ പോലീസ് സ്റ്റേഷൻ ഇൻസ്പെക്ടർ രമേഷ് കുമാർ പി.വി തുടങ്ങിയവർ സന്നിഹിതരായിരുന്നു. ജില്ലാ പോലീസ് ആസ്ഥാനത്തെ വിവിധ യൂണിറ്റുകളിലെ ഓഫീസർമാർ, പോലീസുദ്യോഗസ്ഥർ തുടങ്ങിയവർ ചടങ്ങിൽ പങ്കെടുത്തു. ജില്ലാ പോലീസ് സായുധ ക്യാമ്പ് ആസ്ഥാനത്തും പതാക ഉയർത്തി.
