കോട്ടയം : താന് ഫ്ളക്സില് പടം വന്നാല് കുളിരുകോരുന്ന ആളല്ലെന്ന് കോട്ടയം ഡിസിസി പ്രസിഡന്റ് നാട്ടകം സുരേഷ്. കെ റെയില് വിരുദ്ധ സമരത്തിന്റെ ഭാഗമായി യുഡിഎഫ് നടത്തിയ പരിപാടിയില് പങ്കെടുക്കാതിരുന്നതിനെക്കുറിച്ചുള്ള വിവാദങ്ങളില് പ്രതികരിക്കുകയായിരുന്നു അദ്ദേഹം. കഴിഞ്ഞ ദിവസം നടന്ന യു.ഡി.എഫ് യോഗത്തില് കോട്ടയത്തുണ്ടായിട്ടും നാട്ടകം സുരേഷ് പങ്കെടുക്കാതിരുന്നത് വാര്ത്തയായിരുന്നു.
കൃത്യമായ കാരണം ഉള്ളതിനാല് ആണ് യുഡിഎഫ് യോഗത്തില് താന് പങ്കെടുക്കാതിരുന്നതെന്ന് അദ്ദേഹം പറഞ്ഞു. പാര്ട്ടി വേദിയില് അത് പറയും. ഫ്ളക്സില് പടം വരാതിരുന്നത് കാരണമല്ല പരിപാടിയില് പങ്കെടുക്കാതിരുന്നത്. തന്റെത് പത്രത്തില് പടം വരുന്നതോ ഫ്ളക്സ് ബോര്ഡ് സ്ഥാപിക്കുന്നതോ കണ്ട് കുളിര് കോരുന്ന പാരമ്പര്യമല്ല. ഇടിയുണ്ടാക്കി പത്രത്തില് പടം വരാന് കേറുന്ന നേതാവുമല്ല താനെന്നും അദ്ദേഹം പറഞ്ഞു.
