കൊല്ക്കത്ത : പശ്ചിമ ബംഗാളില് നവമി ആഘോഷങ്ങള്ക്കിടെ ബോംബ് ആക്രമണം. സംഭവത്തില് നിരവധി പേര്ക്ക് പരിക്കേറ്റു. ദുര്ഗാപൂരിലെ അന്നപൂര്ണ മേഖലയില് ഇന്നലെ വൈകീട്ടോടെയാണ് ആക്രമണം ഉണ്ടായത്. നവമി ആഘോഷങ്ങളുടെ ഭാഗമായി ദുര്ഗ്ഗാ ദേവിയുടെ വിഗ്രഹം നിമഞ്ജനത്തിനായി കൊണ്ടുപോകുമ്പോഴായിരുന്നു സംഭവം.
ഘോഷയാത്രയ്ക്കിടയിലേക്ക് അക്രമികള് ബോംബ് എറിയുകയായിരുന്നു. സ്ഫോടനത്തില് നിരവധി പേര്ക്ക് പരിക്കേറ്റു. സ്ഫോടനത്തിന് പിന്നാലെ ഘോഷയാത്രയ്ക്ക് അകമ്പടിപോയ വാഹനങ്ങളും അക്രമികള് അടിച്ചു തകര്ത്തു. തൃണമൂല് കോണ്ഗ്രസ് പ്രവര്ത്തകരാണ് ആക്രമണത്തിന് പിന്നിലെന്നാണ് വിവരം. സംഭവത്തില് പോലീസ് അന്വേഷണം ആരംഭിച്ചു. പരിക്കേറ്റവര് ആശുപത്രിയില് ചികിത്സയിലാണ്.