പത്തനംതിട്ട : നവകേരള സദസ്സിന്റെ പേരിൽ കോടികൾ ധൂർത്തടിച്ച് മുഖ്യമന്ത്രിയുടെ നേതൃത്വത്തിൽ കേരളത്തിൽ നടത്തുന്നത് ജനങ്ങളുടെ കണ്ണിൽ പൊടിയിടുന്ന കബളിപ്പിക്കൽ സദസ്സ് ആണെന്ന് ഡി.സി.സി പ്രസിഡന്റ് ആണെന്ന് ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പിൽ പറഞ്ഞു. യു.ഡി.എഫിന്റെ വിചാരണ സദസിന്റെ വിജയത്തിനായി ചേർന്ന കോൺഗ്രസ് ജനപ്രതിനിധികളുടെ നിയോജക മണ്ഡലം കൺവൻഷൻ ഉദ്ഘാടനം ചെയ്ത് സംസാരിക്കുയായിരുന്നു അദ്ദേഹം. ജനങ്ങളിൽ നിന്നും നേരിട്ട് പരാതി സ്വീകരിക്കാതെ ഉദ്യോഗസ്ഥരെക്കൊണ്ട് പരാതി സ്വീകരിപ്പിക്കുന്ന മുഖ്യമന്ത്രിക്ക് ജനങ്ങളെ അഭിമുഖീകരിക്കുവാൻ ഭയമാണെന്നും നാട് പട്ടിണിയിലായിരിക്കുമ്പോൾ മുഖ്യമന്ത്രിയും മന്ത്രിമാരും മൃഷ്ടാന്നം ഭോജിക്കുകയാണെന്നും ഡി.സി.സി പ്രസിഡന്റ് പറഞ്ഞു.
സർക്കാരിന്റെ അഴിമതിയും കെടുകാര്യസ്ഥതയേയും വിചാരണ ചെയ്യുന്ന കുറ്റവിചാരണ സദസ്സ് ജില്ലയിൽ വൻ വിജയമാക്കുമെന്ന് പ്രൊഫ. സതീഷ് കൊച്ചുപറമ്പിൽ പറഞ്ഞു. യു.ഡി.എഫ് നിയോജക മണ്ഡലം കൺവീനർ ജോൺസൺ വിളവിനാൽ അദ്ധ്യക്ഷത വഹിച്ചു. ജില്ലാ കൺവീനർ എ.ഷംസുദ്ദീൻ ഡി.സി.സി ഭാരവാഹികളായ എ.സുരേഷ്കുമാർ, സാമുവൽ കിഴക്കുപുറം, കെ. ജാസിം കുട്ടി, ജി. രഘുനാഥ്, വിനീത അനിൽ, കോൺഗ്രസ് ബ്ലോക്ക് പ്രസിഡന്റ് ജെറി മാത്യു സാം, ബ്ലോക്ക് പഞ്ചായത്ത് അംഗം മേഴ്സി സാമുവൽ, ആറന്മുള പഞ്ചായത്ത് പ്രസിഡന്റ് റ്റിജോ.റ്റി. റ്റോജി എന്നിവർ പ്രസംഗിച്ചു.
