കൊല്ലം : നീണ്ടകര ഹാര്ബറില് ഭക്ഷ്യ സുരക്ഷാ വിഭാഗം നടത്തിയ പരിശോധനയില് നിന്ന് കേടായ 300 കിലോ മത്സ്യം പിടികൂടി നശിപ്പിച്ചു. ബോട്ടുടമകളുടെ സ്റ്റോറിലും ലേല ഹാളിലും സൂക്ഷിച്ചിരുന്ന അയല, കൊഴുവ, ചാള മത്സ്യങ്ങളാണ് പിടികൂടിയത്. ഇന്നലെ രാവിലെ 4.30 ഓടെയായിരുന്നു പരിശോധന നടത്തിയത്. ആവശ്യമായ അളവില് ഐസ് ഉപയോഗിക്കാതെയാണ് മത്സ്യം സൂക്ഷിച്ചിരുന്നത്. സാമ്പിളുകള് ശേഖരിച്ച് കൂടുതല് പരിശോധനകള്ക്ക് അയച്ചു. ഭക്ഷ്യ സുരക്ഷാ കമ്മീഷണര് എസ്. അജി നേതൃത്വം നല്കി.
