കൊല്ലം : നീറ്റ് പരീക്ഷക്കെത്തിയ പെണ്കുട്ടികളുടെ അടിവസ്ത്രം അഴിപ്പിച്ച സംഭവത്തില് അഞ്ച് പ്രതികള്ക്ക് ജാമ്യം ലഭിച്ചു. പരീക്ഷ കേന്ദ്രത്തിന്റെ ചുമതല ഉണ്ടായിരുന്ന പ്രജി കുര്യന് ഐസക്, ഒബ്സര്വര് ഡോ. ഷംനാദ് എന്നിവര്ക്കൊപ്പെ കരാര് ജീവനക്കാരായ മൂന്നു പേര്ക്കുമാണ് ജാമ്യം കിട്ടിയത്. കടയ്ക്കല് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് അഞ്ചുപേര്ക്കും ജാമ്യം അനുവദിച്ചത്.
പരീക്ഷാ കേന്ദ്രത്തിന്റെ ചുമതലയുള്ള അധ്യാപകനും എന്ടിഎ നിയോഗിച്ച ഒബ്സര്വറും ഇന്നാണ് അറസ്റ്റിലായത്. അടിവസ്ത്രമടക്കം പരിശോധിക്കാന് ജീവനക്കാര്ക്ക് നിര്ദേശം നല്കിയത് ഇവരാണെന്നാണ് പോലീസിന്റെ അന്വേഷണത്തിലെ കണ്ടെത്തല്. സിസിടിവി ദൃശ്യങ്ങളില് നിന്നും ലഭിച്ച തെളിവുകളും കഴിഞ്ഞ ദിവസം അറസ്റ്റിലായ പ്രതികള് നല്കിയ വിവരത്തിന്റെ അടിസ്ഥാനത്തിലുമാണ് അധ്യാപകരെ പോലീസ് അറസ്റ്റ് ചെയ്തത്.
