കോന്നി : ഏനാദിമംഗലം വില്ലേജ് ഓഫീസിലെ വില്ലേജ് ഓഫീസറുടെ ജനങ്ങളോടുള്ള മോശമായ പെരുമാറ്റത്തിൽ പ്രതിഷേധിച്ച് സി പി ഐ ഇളമണ്ണൂർ, കുന്നിട ലോക്കൽ കമ്മിറ്റികളുടെ നേതൃത്വത്തിൽ ഉപരോധസമരം സംഘടിപ്പിച്ചു. വില്ലേജ് ഓഫീസർ ആയ ജോസഫ് പരാതികളുമായി വരുന്ന പൊതു ജനങ്ങളോട് മോശമായി പെരുമാറുന്നു എന്നും ഗ്രാമ പഞ്ചാത്ത് അംഗങ്ങളെ വരെ അധിക്ഷേപിക്കുകയും ചെയ്യുന്നു എന്ന് സി പി ഐ നേതാക്കൾ പറഞ്ഞു.
സമരം ശക്തമായതോടെ അടൂർ ഡെപ്യൂട്ടി തഹൽസീദാർ അടക്കം ഇടപെട്ട് ഒരാഴ്ചക്കകം വില്ലേജ് ഓഫീസറെ മാറ്റി പുതിയ ആളെ നിയമിക്കും എന്ന് ജില്ലാ കളക്ടർ ഉറപ്പ് നൽകിയതിനെ തുടർന്ന് സമരം അവസാനിപ്പിച്ചു. സി പി ഐ കൂടൽ മണ്ഡലം കമ്മറ്റി അംഗം മങ്ങാട് സുരേന്ദ്രൻ ഉപരോധം ഉദ്ഘാടനം ചെയ്തു. ഇളമണ്ണൂർ ലോക്കൽ സെക്രട്ടറി സുഭാഷ് കുമാർ, ഇളമണ്ണൂർ സേതുകുമാർ, രാജു മത്തായി, പി വേണു, ബിജു ആർ തുടങ്ങിയവർ സംസാരിച്ചു.
