റാന്നി: പഴവങ്ങാടി ഗ്രാമപഞ്ചായത്ത് കുടുംബശ്രീ സി ഡി എസ് സുദൃഢം 2022 അയൽക്കൂട്ട രൂപീകരണവും ഉൾച്ചേർക്കലും ക്യാംപയിന്റെ ഭാഗമായി പുതിയതായി രൂപീകരിച്ച അയൽക്കൂട്ടം അംഗങ്ങൾക്കുള്ള സ്വീകരണവും സിഡിഎസ് പൊതു സഭയും നടത്തി. പഴവങ്ങാടി സി എം എസ് എല് പി സ്കൂളിൽ വെച്ച് നടത്തിയ പരിപാടിയുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് അനിത അനിൽകുമാർ നിർവ്വഹിച്ചു. വികസനകാര്യ സ്റ്റാന്റിംഗ് കമ്മിറ്റി ചെയർപേഴ്സൺ ഷേർളി ജോർജ്ജ് അധ്യക്ഷത വഹിച്ചു.
പുതിയ കുടുംബശ്രീ അംഗങ്ങളെ വൈസ് പ്രസിഡന്റ് ജോൺ എബ്രഹാം സ്വീകരിച്ചു. ജനപ്രതിനിധികളായ റൂബി കോശി,ബിജി വർഗ്ഗീസ്,ജിജി വർഗ്ഗീസ്,അജിത്ത് ഏണസ്റ്റ്,ഷൈനി പി. മാത്യൂ, എം.ജി ശ്രീകുമാർ, സി.ഡി.എസ് ചെയർപേഴ്സൺ നിഷ രാജീവ്,വൈസ് ചെയർപേഴ്സൺ സാറാമ്മ ജോൺ,മെമ്പർ സെക്രട്ടറി കെ പ്രദീപ്,ബ്ലോക്ക് കോഡിനേറ്റർ ശാരികൃഷ്ണ,അക്കൗണ്ടന്റ് രാജി സുനിൽ എന്നിവർ പ്രസംഗിച്ചു.
