പാലക്കാട് : മുഖ്യമന്ത്രിയ്ക്കെതിരായ കോണ്ഗ്രസ് സമരത്തില് പങ്കെടുക്കുന്ന വനിതാ പ്രവര്ത്തകരെക്കുറിച്ച് മോശം പരാമര്ശവുമായി സിപിഎം എംഎല്എ. നെന്മാറ എംഎല്എ കെ.ബാബുവാണ് പല്ലശനയില് നടന്ന പൊതുയോഗത്തില് വെച്ചാണ് കെ.ബാബു വനിതാ പ്രവര്ത്തകര്ക്കെതിരെ അപമാനിച്ച് സംസാരിച്ചത്. സ്ത്രീകള് കയറിക്കഴിഞ്ഞാലുടന് അവര് സമരത്തിന്റെ മുമ്പില് നില്ക്കും. അങ്ങനെ നിന്നാല്തന്നെ അവിടെ ബാരിക്കേഡ് തീര്ത്തിട്ടുണ്ടെങ്കില് അതിനുമുകളിലേക്ക് ചാടിക്കയറും.
ചാടിക്കയറി മുകളിലെത്തിയാല്’ എന്ന് പറഞ്ഞശേഷമാണ് കെ.ബാബു മോശം പരാമര്ശം നടത്തിയത്. ‘നാണം കെട്ട സമരങ്ങളാണിവിടെ. ആള് വേണ്ടേ, ആള് കൂട്ടണ്ടേ അവര്, നിങ്ങള് കാണുന്നില്ലേ പ്രതിഷേധം. ഏഴും മൂന്നും പത്താളുണ്ടോ എനിടെയെങ്കിലും. നാലും മൂന്നും ഏഴാള് കയറും അതില് ഏതെങ്കിലും രണ്ട് പെണ്ണുങ്ങള് കയറും’ എന്നും കെ.ബാബു പ്രസംഗിച്ചു.
മുഖ്യമന്ത്രിയ്ക്കെതിരായ സമരപരിപാടികളില് ബാരിക്കേഡില് കയറിയ കോണ്ഗ്രസ് വനിതാ പ്രവര്ത്തകരെക്കുറിച്ചായിരുന്നു കെ.ബാബു പ്രസംഗിച്ചത്. താന് പ്രസംഗിച്ചതില് എന്താണ് തെറ്റെന്നും അദ്ദേഹം പിന്നീട് ചോദിച്ചു. കെ.ബാബുവിനെതിരെ യൂത്ത് കോണ്ഗ്രസ് കൊല്ലങ്കോട് പോലീസില് പരാതി നല്കിയിട്ടുണ്ട്
