കാഠ്മണ്ഡു: ലോകത്തിലെ ഏറ്റവും ഉയരമുള്ള എവറസ്റ്റ് കൊടുമുടി 10 തവണ കീഴടക്കിയ നേപ്പാളി പര്‍വതാരോഹകന്‍ ആങ് റിത ഷെര്‍പ അന്തരിച്ചു. 10 തവണയും ഓക്‌സിജന്‍ ബോട്ടില്‍ ഉപയോഗിക്കാതെയായിരുന്നു ആങ് റിത ഷെര്‍പ കൊടുമുടി കയറിയത്. 1983 മുതല്‍ 1996 വരെയുള്ള കാലത്തായിരുന്നു ഇത്.
72 കാരനായ ആങ് റിത ഷെര്‍പ കാഠ്മണ്ഡുവില്‍ വെച്ച്‌ കരള്‍, മസ്തിഷ്‌ക രോഗങ്ങളെ തുടര്‍ന്ന് തിങ്കളാഴ്ചയാണ് മരണത്തിന് കീഴടങ്ങിയത്. 2017ല്‍ ഇദ്ദേഹം ഗിന്നസ് ലോക റെക്കോര്‍ഡ് നേടി. 1987 ലെ മഞ്ഞുകാലത്തും ഓക്‌സിന്‍ ബോട്ടില്‍ ഉപയോഗിക്കാതെ എവറസ്റ്റിന്റെ 8.848 മീറ്റര്‍ ഉയരവും കീഴടക്കിയ ഇദ്ദേഹത്തിന് ഒരു വിളിപ്പേരുമുണ്ട്, ‘ഹിമപ്പുലി’.
ഹിമാലയത്തിലെ ആവാസവ്യവസ്ഥയെയും പരിതസ്ഥിതികളെയും സംരക്ഷിക്കുന്ന പ്രവര്‍ത്തനങ്ങളില്‍ വ്യാപൃതനുമായിരുന്നു ഇദ്ദേഹം.
