കൊച്ചി : നവജാത ശിശുവിനെ നിലത്തെറിഞ്ഞു കൊല്ലാന് ശ്രമിച്ച പിതാവിനെ അറസ്റ്റുചെയ്തു. കുഞ്ഞിന്റെ നില ഗുരുതരമായി തുടരുന്നു. അങ്കമാലിയിലാണ് മനുഷ്യ മനസ്സാക്ഷിയെ ഞെട്ടിച്ച സംഭവം. 54 ദിവസംമാത്രം പ്രായമുള്ള പെണ്കുട്ടിയെ ആണ് പിതാവ് കൊലപ്പെടുത്താന് ശ്രമിച്ചത്. ആന്തരിക രക്തസ്രാവം ഉണ്ടായ കുട്ടി വെന്റിലേറ്ററിലാണ്. അങ്കമാലി സ്വദേശി ഷൈജു തോമസിനെ ആണ് പോലീസ് അറസ്റ്റ് ചെയ്തത്.
ഇയാള് സംശയരോഗത്തിന് അടിമയായിരുന്നു. പുലര്ച്ചെ കരഞ്ഞ കുഞ്ഞിനെ ഇയാള് വായുവില് ഉയര്ത്തി വീശിയെന്നാണ് വിവരം. ബോധം നഷ്ടമായപ്പോള് കുഞ്ഞിനെ കട്ടിലില് എറിയുകയായിരുന്നു എന്നാണ് പോലീസ് പറയുന്നത്. ഗുരുതരമായ പരിക്കാണ് കുഞ്ഞിന് ഉണ്ടായിട്ടുള്ളത്. ആന്തരിക രക്തസ്രാവം ഉണ്ട്.
തലക്കടിച്ചും കട്ടിലിലേക്ക് വലിച്ചെറിഞ്ഞുമാണ് ഷൈജു കുഞ്ഞിനെ കൊലപ്പെടുത്താന് ശ്രമിച്ചത്. സംശയരോഗത്തിന് പുറമെ പെണ്കുഞ്ഞ് ജനിച്ചതിലുള്ള നിരാശയുമാണ് ക്രൂര കൃത്യത്തിന് പിന്നിലെന്ന് പോലീസ് പറയുന്നു. വാടക വീടിന്റെ കിടപ്പ് മുറിയില് വെച്ചാണ് പ്രതി കുഞ്ഞിനോട് ക്രൂര കൃത്യം നടത്തിയത്. ഭാര്യയുടെ കയ്യില് നിന്ന് കുഞ്ഞിനെ പിടിച്ച് വാങ്ങി കൈകൊണ്ട് രണ്ട് തവണ തലക്കടിച്ച ഷൈജു പിന്നീട് കട്ടിലിലേക്ക് വലിച്ചെറിയുകയായിരുന്നു. തലക്ക് ഗുരുതര പരിക്കുമായാണ് കുഞ്ഞ് വെന്റിലേറ്ററില് കഴിയുന്നത്.
