വെണ്മണി : പുന്തല ഗ്രാമദീപം ഗ്രന്ഥശാലയുടെ പുതിയ മന്ദിരം മന്ത്രി സജി ചെറിയാൻ ഉദ്ഘാടനം ചെയ്തു. എംഎൽഎയുടെ പ്രത്യേക ഫണ്ടുപയോഗിച്ച് 900 ചതുരശ്രയടി വിസ്തീർണത്തിലാണ് ഗ്രന്ഥശാലാ കെട്ടിടം നിർമിച്ചത്. പഞ്ചായത്ത് ഗ്രാമദീപം ഗ്രന്ഥശാലയ്ക്കുനല്കുന്ന ഫർണിച്ചറിന്റെ കൈമാറ്റം ബ്ലോക്ക് പഞ്ചായത്തംഗം ജെബിൻ പി. വർഗീസ് നിർവഹിച്ചു. ഗ്രന്ഥശാലയ്ക്കുനല്കിയ പുസ്തകങ്ങൾ ലൈബ്രറി കൗൺസിൽ സംസ്ഥാന എക്സിക്യുട്ടീവ് ജി. കൃഷ്ണകുമാറും മെഡിക്കൽ ട്രസ്റ്റ് ഹോസ്പിറ്റൽ എംഡിയുമായ ഡോ. ജി. വിജയകുമാറും ചേർന്ന് ഏറ്റുവാങ്ങി. പ്രസിഡന്റ് വി.കെ. ബിനുകുമാർ അധ്യക്ഷത വഹിച്ചു.
പഞ്ചായത്ത് പ്രസിഡന്റ് ടി.സി. സുനിമോൾ, വൈസ് പ്രസിഡന്റ് പി.ആർ. രമേഷ് കുമാർ, അംഗങ്ങളായ ബി. ബാബു, മനോജ് മുരളി, പ്രൊഫ. ആർ. രാജഗോപാൽ, വി.എൻ. സുകു, ജെയിംസ് ശാമുവേൽ, കെ.എസ്. ഗോപിനാഥൻ, എ.കെ. ശ്രീനിവാസൻ, തോമസ് ടി. തോമസ്, പി. സദാശിവൻ പിള്ള, എസ്. ചന്ദ്രലേഖ തുടങ്ങിയവർ പ്രസംഗിച്ചു.
