ന്യൂഡൽഹി : കഴിഞ്ഞ 24 മണിക്കൂറിനിടെ രാജ്യത്ത് 12,830 പേർക്ക് കോവിഡ് സ്ഥിരീകരിച്ചു. 14,667 പേർ രോഗമുക്തരായി. രോഗമുക്തി നിരക്ക് 98.20%. പ്രതിവാര രോഗസ്ഥിരീകരണ നിരക്ക് (1.18%) 37 ദിവസമായി രണ്ട് ശതമാനത്തിൽ താഴെയാണ്. പ്രതിദിന രോഗസ്ഥിരീകരണ നിരക്ക് 1.13%. ആകെ 60.83 കോടി കോവിഡ് പരിശോധനകൾ നടത്തി. ആകെ രോഗമുക്തർ 3,36,55,842.
ചികിത്സയിലുള്ളത് ആകെ രോഗബാധിതരുടെ ഒരു ശതമാനത്തിലും താഴെ മാത്രമാണ് (1,59,272 പേർ). 247 ദിവസത്തിനിടയിൽ ഏറ്റവും കുറഞ്ഞ നിരക്കാണിത്. രാജ്യവ്യാപക പ്രതിരോധ കുത്തിവയ്പ് പരിപാടിയുടെ ഭാഗമായി ഇതുവരെ 106.14 കോടി ഡോസ് വാക്സീൻ നൽകി. കഴിഞ്ഞ ദിവസം ഏറ്റവും കൂടുതൽ പേർക്ക് കോവിഡ് സ്ഥിരീകരിച്ചത് കേരളത്തിലാണ്. 7,427 പേരാണ് കേരളത്തിൽ രോഗബാധിതരായത്. തമിഴ്നാട്ടിൽ 1,021 പേർക്ക് രോഗം സ്ഥിരീകരിച്ചു. അതേസമയം കോവിഡ് രൂക്ഷമായി ബാധിച്ച മഹാരാഷ്ട്രയിൽ ഇന്നലെ 614 പേർക്ക് മാത്രമാണ് രോഗം സ്ഥിരീകരിച്ചത്.