ചട്ടിപ്പറമ്പ്: മുഖ്യമന്ത്രിയുടെ നവകേരളസദസ്സിൽ ആകെ ലഭിച്ചത് 6,33,044 അപേക്ഷകൾ. ഇതിൽ ഈമാസം ഒൻപതുവരെ തീർപ്പുകൽപ്പിച്ചത് 46,701 അപേക്ഷകൾ. മൊത്തം അപേക്ഷകളുടെ 7.4 ശതമാനം. പ്രശ്നങ്ങൾ പരിഹരിച്ചതും പരിഗണിക്കാതെ നിരുപാധികം തള്ളിയതുമെല്ലാം ഇതിലുൾപ്പെടും. കാസർകോട്, കണ്ണൂർ, വയനാട്, തൃശ്ശൂർ ജില്ലകളിൽ പത്തുശതമാനത്തിലധികം അപേക്ഷകൾ തീർപ്പാക്കി. കാസർകോട് ലഭിച്ച 14,709 പരാതികളികൾ പകുതിയിലേറെയും തീർപ്പായി. കൂടുതൽ അപേക്ഷ കിട്ടിയത് മലപ്പുറത്താണ്.
ഇവിടെ 81,447-ൽ 3978 എണ്ണം തീർപ്പായി. അഞ്ചുശതമാനത്തിൽ താഴെ.രണ്ടാംസ്ഥാനത്തുള്ള തിരുവന്തപുരത്ത് 65,334-ൽ 478 എണ്ണം തീർപ്പായി. മലപ്പുറം സ്വദേശി എം.ടി. മുർഷിദ് കോഡൂർ വിവരാവകാശ നിയമപ്രകാരം നൽകിയ അപേക്ഷയ്ക്കുള്ള മറുപടിയിലാണ് ഇക്കാര്യങ്ങൾ ഉള്ളത്.
