പത്തനംതിട്ട : ജില്ലാ സാമൂഹ്യനീതി വകുപ്പിന്റെ പുതിയ ഓഫീസ് കെട്ടിടം ആരോഗ്യ-വനിതാ ശിശുവികസന വകുപ്പ് മന്ത്രി വീണാ ജോര്ജ് നാളെ രാവിലെ 11.30 ന് ഉദ്ഘാടനം നിര്വഹിക്കും. വയോജന, ഭിന്നശേഷി സൗഹൃദമായ കോളേജ് റോഡിലുള്ള മണ്ണില് റീജന്സിയുടെ താഴെത്തെ നിലയിലാണ് പുതിയ ഓഫീസ്.
ജില്ലാ പഞ്ചായത്ത് പ്രസിഡന്റ് അഡ്വ.ഓമല്ലൂര് ശങ്കരന് അധ്യക്ഷതവഹിക്കും. ജില്ലാ കളക്ടര് ഡോ.ദിവ്യ എസ് അയ്യര് വിശിഷ്ടാതിഥികളായിരിക്കും. ജില്ലാ പഞ്ചായത്ത് ക്ഷേമകാര്യ സ്റ്റാന്ഡിംഗ് കമ്മറ്റി ചെയര്മാന് ജിജി മാത്യു, ജില്ലാ വനിതാ ശിശുവികസന ഓഫീസര് പി.എസ് തസ്നിം, മുന്സിപ്പല് കൗണ്സിലര് സിന്ധു അനില് തുടങ്ങിയവര് പങ്കെടുക്കും.