തൃപ്പൂണിത്തുറ: മുൻവൈരാഗ്യത്തിന്റെ പേരിൽ ഓണക്കാലത്ത് കച്ചവടത്തിനെത്തിയ യുവാവിനെ കത്തികൊണ്ട് കുത്തിക്കൊലപ്പെടുത്താൻ ശ്രമിച്ച വയോധികൻ അറസ്റ്റിൽ. കൊല്ലം കൊട്ടാരക്കര സ്വദേശി ജോസഫ് (70) ആണ് ഹിൽപാലസ് പോലീസിന്റെ പിടിയിലായത്. ആക്രമണത്തിൽ ഗുരുതരമായി പരിക്കേറ്റ തിരുവനന്തപുരം സ്വദേശി പ്രിൻസ് കളമശ്ശേരി മെഡിക്കൽ കോളേജ് ആശുപത്രിയിൽ ചികിത്സയിലാണ്. തൃപ്പൂണിത്തുറ അത്തം നഗറിൽ കളിപ്പാട്ടക്കച്ചവടത്തിനായി എത്തിയതായിരുന്നു പ്രിൻസ്. കുറ്റിമുല്ല പൂക്കൾ വിൽക്കാനെത്തിയ ജോസഫ് സ്റ്റാച്യൂ ജംഗ്ഷന് സമീപമുള്ള കൃഷ്ണ ഗ്ലാസ് ഹൗസിന് മുൻവശത്തുവെച്ച് പ്രിൻസിനെ ആക്രമിക്കുകയായിരുന്നു.
സംഭവത്തിന് പിന്നാലെ മരട് പോലീസ് സ്റ്റേഷനിലെ നൈറ്റ് പട്രോളിംഗ് സംഘത്തിന്റെ സഹായത്തോടെ ഹിൽപാലസ് പോലീസാണ് പ്രതിയായ ജോസഫിനെ പിടികൂടിയത്. സംഭവത്തിൽ പോലീസ് കേസെടുത്ത് തുടർനടപടികൾ സ്വീകരിച്ചു.
