കോന്നി : താലൂക്ക് ആസ്ഥാനത്ത് ജീവനക്കാർക്ക് താമസിക്കുന്നതിന് ക്വാർട്ടേഴ്സ് നിർമ്മിക്കണമെന്ന് എൻ.ജി.ഒ യൂണിയൻ ഏരിയാ സമ്മേളനം ആവശ്യപ്പെട്ടു.
മഠത്തിൽക്കാവ് ശ്രീദുർഗ്ഗാ ഓഡിറ്റോറിയത്തിൽ നടന്ന സമ്മേളനം യൂണിയൻ സംസ്ഥാന കമ്മിറ്റിയംഗം പി.പി.സന്തോഷ് ഉദ്ഘാടനം ചെയ്തു. ഏരിയാ പ്രസിഡൻ്റ് ബി.വിനോദ് കുമാർ അദ്ധ്യക്ഷത വഹിച്ചു.
ഏരിയാ സെക്രട്ടറി എം.പി.ഷൈബി പ്രവർത്തന റിപ്പോർട്ടും ഏരിയാ ട്രഷറർ സുവിൻ വിശ്വനാഥൻ വരവ് ചെലവ് കണക്ക് അവതരിപ്പിച്ചു. ജില്ലാ ട്രഷറർ ജി.ബിനുകുമാർ, എൽ. അഞ്ജു, എസ്.ശ്യാംകുമാർ, എസ്.ശ്രീലത എന്നിവർ പങ്കെടുത്തു. ഭാരവാഹികളായി ബി.വിനോദ് കുമാർ (പ്രസിഡൻ്റ്), എം.മനോജ്, എൻ.അനിൽകുമാർ (വൈസ്.പ്രസി) കെ.സതീഷ് കുമാർ (സെക്രട്ടറി), ദിൽഷാദ് ഐ, സുഗന്ധി എസ് (ജോ.. സെക്രട്ടറി) സുവിൻ വിശ്വനാഥൻ ട്രഷറർ) എന്നിവരെ തിരഞ്ഞെടുത്തു.
