ന്യൂഡല്‍ഹി : ദേശീയ അന്വേഷണ ഏജന്‍സിയുടെ (എന്‍ഐഎ) തലവനായി ദിന്‍കര്‍ ഗുപ്ത ഐപിഎസിനെ നിയമിച്ച്‌ കേന്ദ്രസര്‍ക്കാര്‍.മുന്‍ പഞ്ചാബ് പോലീസ് മേധാവിയായിരുന്ന ഗുപ്ത സംസ്ഥാന രഹസ്യാന്വേഷണ വിഭാഗം, ഭീകരവിരുദ്ധ സേന എന്നിവയുടെ തലവനായി പഞ്ചാബില്‍ മികച്ച സേവനം കാഴ്ചവെച്ച ഉദ്യോഗസ്ഥനാണ്.
എന്‍ഐഎയുടെ പുതിയ മേധാവിയായി മുന്‍ പഞ്ചാബ് ഡിജിപി ദിന്‍കര്‍ ഗുപ്ത ഐപിഎസിനെ നിയമിച്ചുകൊണ്ട് കേന്ദ്രആഭ്യന്തര വകുപ്പ് ഉത്തരവിറക്കി. കഴിഞ്ഞ മെയ് മാസം മുതല്‍ ഒഴിഞ്ഞുകിടന്നിരുന്ന സ്ഥാനത്തേയ്‌ക്കാണ് ദിന്‍കര്‍ ഗുപ്തയെ പരിഗണിച്ചത്. മുന്‍ എന്‍ഐഎ മേധാവി വൈ.സി.മോദി വിരമിച്ചശേഷം സിആര്‍പിഎഫ് മേധാവി കുല്‍ദീപ് സിംഗ് അധിക ചുമതലവഹിക്കുകയായിരുന്നു. ദിന്‍കര്‍ ഗുപ്തയെ നിയമിച്ചതായി ഇന്നലെയാണ് കേന്ദ്രആഭ്യന്തര മന്ത്രാലയം ഉത്തരവ് പുറപ്പെടുവിച്ചത്.
