മുംബൈ : നൈജീരിയന് സ്വദേശിയെ തല്ലിക്കൊന്ന സംഭവത്തില് ആറ് നൈജീരിയന് പൗരന്മാരെ മഹാരാഷ്ട്രാ പോലീസ് അറസ്റ്റ് ചെയ്തു. ഗുവാഹത്തിയില് നിന്നാണ് പ്രതികള് പിടിയിലായത്. ഷില്ലോങ് വഴി ബംഗ്ലാദേശിലേക്ക് കടക്കാനുള്ള ശ്രമത്തിനിടെയാണ് പ്രതികളെ പിടികൂടിയത്. ചൊവ്വാഴ്ചയാണ് നൈജീരിയന് സ്വദേശി മൈക്കിള് കിച്ചസേബയെ തട്ടിക്കൊണ്ട് പോയി തല്ലിക്കൊന്നത്. മൃതദേഹം നായ്ഗാവിലെ ഒരു ഫ്ലാറ്റിലെ ശുചിമുറിയില് നിന്നാണ് കണ്ടെടുത്തത്. പണമിടപാട് സംബന്ധിച്ച തര്ക്കമാണ് കൊലപാതകത്തില് കലാശിച്ചത്.
