ന്യൂഡല്ഹി : കോവിഡ് കേസുകൾ വര്ധിക്കുന്ന സാഹചര്യത്തില് ഡല്ഹിയില് രാത്രികാല കര്ഫ്യൂ ഏര്പ്പെടുത്തി. ഏപ്രില് 30 വരെയാണ് കര്ഫ്യൂ. രാത്രി 10 മുതല് രാവിലെ 5 വരെ പൊതുജനങ്ങള്ക്ക് പുറത്തിറങ്ങാന് കര്ശന നിയന്ത്രണമുണ്ട്. ഗതാഗതത്തിന് ഇ-പാസ് നിര്ബന്ധമാക്കും.
അടിയന്തിര സേവനങ്ങള്ക്ക് മാത്രമാവും പൊതു ജനങ്ങള്ക്ക് രാത്രി പുറത്തിറങ്ങാന് അനുമതി നല്കുക. അതെ സമയം ഡല്ഹിയില് കോവിഡിന്റെ നാലാം തരംഗമണെന്ന് കഴിഞ്ഞ ദിവസം മുഖ്യമന്ത്രി അരവിന്ദ് കെജ്രിവാള് പറഞ്ഞു. എന്നാല് സമ്പൂര്ണ ലോക്ഡൗണ് പരിഗണിക്കുന്നില്ലെന്നും സ്ഥിതിഗതികള് നിരീക്ഷിച്ചു വരികയാണെന്നും അദ്ദേഹം പറഞ്ഞു.
തിങ്കളാഴ്ച സംസ്ഥാനത്ത് 3,548 പുതിയ കോവിഡ് കേസുകളാണ് റിപ്പോര്ട്ട് ചെയ്തത്. 15 പേര്ക്ക് കോവിഡ് മൂലം ജീവന് നഷ്ടമായി. കോവിഡ് രോഗികള് വര്ധിക്കുന്ന സാഹചര്യത്തില് മഹാരാഷ്ട്രയും രാജസ്ഥാനും രാത്രികാല കര്ഫ്യൂ ഏര്പ്പെടുത്തിയിട്ടുണ്ട്.
