തിരുവനന്തപുരം : നിപ വ്യാപനത്തില് പെട്ടെന്നുള്ള ഇടപെടല് ആവശ്യമെന്ന് മുന് ആരോഗ്യമന്ത്രി കെ കെ ശൈലജ. സമ്ബര്ക്കത്തിലുണ്ടായിരുന്നവരെ കണ്ടെത്തുകയാണ് പ്രധാനം. അതിന് സാധിച്ചാല് നിപ വ്യാപനം ഒഴിവാക്കാനാകുമെന്നും കെ.കെ ശൈലജ പറഞ്ഞു. അധികം പകര്ച്ചയില്ലാതെ നിപയെ നമുക്ക് തടയാനാകുമെന്ന് കെ.കെ ശൈലജ കണ്ണൂരില് മാധ്യമങ്ങളോട് പറഞ്ഞു. വീണ്ടും രോഗം വരാനുള്ള സാധ്യത വിദഗ്ധര് മുന്കൂട്ടി കണ്ടതാണ്.
മുന്പ് ഉണ്ടായിരുന്ന വിദഗ്ധ സംഘം ഇപ്പോഴും കോഴിക്കോട് മെഡിക്കല് കോളേജ് കേന്ദ്രീകരിച്ച് പ്രവര്ത്തിക്കുന്നുണ്ട്. കണ്ണൂരിലും ജാഗ്രതാ നിര്ദേശം നല്കിയിട്ടുണ്ട്. ലക്ഷണങ്ങള് കണ്ടാല് അറിയിക്കാന് നിര്ദേശം നല്കിയിട്ടുണ്ടെന്നും കെ.കെ ശൈലജ കൂട്ടിച്ചേര്ത്തു.
