ന്യൂഡൽഹി : നിര്ഭയ കേസ് പ്രതി മുകേഷ് സിങ്ങിന്റ ദയാഹര്ജി രാഷ്ട്രപതി തള്ളി. മുകേഷ് സിങ്ങിന്റെ തിരുത്തല് ഹര്ജി സുപ്രീംകോടതി തള്ളിയതിന് പിന്നാലെയാണ് ദയാഹര്ജി നല്കിയത്. ദയാഹര്ജി തള്ളണമെന്ന് ഡല്ഹി സര്ക്കാര് കേന്ദ്രസര്ക്കാരിനോട് ശുപാര്ശ ചെയ്തിരുന്നു.
അതേസമയം നിര്ഭയ കേസിലെ പ്രതികളുടെ വധശിക്ഷ ഈ മാസം 22ന് നടപ്പാക്കാനാകില്ലെന്ന് ഡല്ഹി പട്യാലാഹൗസ് കോടതി പറഞ്ഞിരുന്നു. പ്രതികള് ദയാഹര്ജി നല്കിയതോടെ ജയില് ചട്ടപ്രകാരം മരണ വാറന്റ് സ്റ്റേ ചെയ്യപ്പെട്ടതായി കോടതി നിരീക്ഷിച്ചു. മരണവാറന്റ് പുറപ്പെടുവിച്ച ശേഷം കേസിലുണ്ടായിട്ടുള്ള പുരോഗതികള് വിശദീകരിച്ച് ജയില് അധികൃതര് ഇന്ന് റിപ്പോര്ട്ട് നല്കണം. 22ന് തന്നെ വധശിക്ഷ നടപ്പാക്കണമെന്ന് നിര്ഭയയുടെ അമ്മയും വികാരപരമായല്ല നിയമപരമായി വേണം വധശിക്ഷ നടപ്പാക്കാനെന്ന് അമിക്കസ്ക്യൂറി വൃന്ദ ഗ്രോവരും വാദിച്ചു.
