തിരുവനന്തപുരം: ആശുപത്രികളിലെ ശുചിത്വ പരിപാലനം കുറ്റമറ്റ രീതിയിൽ ഉറപ്പാക്കാൻ കർശനമായ നടപടികളുമായി മുന്നോട്ട് പോകുമെന്ന് ആരോഗ്യ മന്ത്രി കെ. മുരളീധരൻ വ്യക്തമാക്കി. ഒരു രോഗത്തിന് ചികിത്സ തേടി എത്തുന്നവർ ആശുപത്രിയിലെ അശുചിത്വം കാരണം മറ്റു രോഗങ്ങളുമായി മടങ്ങേണ്ടി വരുന്ന സാഹചര്യം ഒരു കാരണവശാലും അനുവദിക്കില്ലെന്ന് അദ്ദേഹം വ്യക്തമാക്കി. ടെറുമോ പെൻപോൾ എംപ്ലോയീസ് കോൺഗ്രസ് ഐ.എൻ.ടി.യു.സി 29-ാം വാർഷിക സമ്മേളനം ഉദ്ഘാടനം ചെയ്യുകയായിരുന്നു മന്ത്രി.
രക്ത ബാഗുകൾ ഉത്പാദിപ്പിക്കുന്ന അന്താരാഷ്ട്ര കമ്പനിയായ ടെറുമോ പെൻപോളിന്റെ വികസനത്തിന് മാനേജ്മെന്റും ട്രേഡ് യൂണിയനുകളും ഒത്തൊരുമിച്ച് പ്രവർത്തിക്കണമെന്ന് മന്ത്രി ആവശ്യപ്പെട്ടു. ഐ.എൻ.ടി.യു.സി ജില്ലാ പ്രസിഡന്റ് വി.ആർ. പ്രതാപൻ ഉൾപ്പെടെയുള്ള നേതാക്കൾ പങ്കെടുത്ത സമ്മേളനത്തിൽ എം.ആർ. ബൈജു എം.എൽ.എ, യൂണിയൻ ജനറൽ സെക്രട്ടറി വി.ജെ. ജോസഫ് തുടങ്ങിയ നേതാക്കളും ചടങ്ങിൽ സംബന്ധിച്ചു.
