തിരുവനന്തപുരം: ശമ്പളം നൽകാത്തതിൽ പ്രതിഷേധിച്ച് ബി.എം എസിന്റെ നേതൃത്വത്തിൽ കെഎസ്ആർടിസി ജീവനക്കാർ സെക്രട്ടേറിയേറ്റിന് മുമ്പിൽ ശയനപ്രദക്ഷണം നടത്തി. മൂന്ന് മാസത്തെ ശമ്പളം ആവശ്യപ്പെട്ട് മുപ്പതോളം ജീവനക്കാരാണ് പ്രതിഷേധത്തില് ഏര്പ്പെട്ടത്.രാവിലെ 11 മണിയോടു കൂടിയാണ് പ്രതിഷേധം ആരംഭിച്ചത്. സർക്കാർ തങ്ങള്ക്ക് നൽകാമെന്നറിയിച്ച അമ്പത് കോടി ശമ്പളത്തിന് തികയില്ലെന്നാണ് ജീവനക്കാര് ആരോപിക്കുന്നത്. മൂന്ന് മാസത്തെയും ശമ്പളം കൃത്യമായി അക്കൗണ്ടിലെത്തുന്നത് വരെ സമരം തുടരുകതന്നെ ചെയ്യുമെന്ന് ജീവനക്കാര് അറിയിച്ചു.
