പത്തനംതിട്ട : വിദ്യാഭ്യാസ സര്ട്ടിഫിക്കറ്റുകളുടെ സാക്ഷ്യപ്പെടുത്തലിനായി നോര്ക്ക റൂട്ട്സ് പ്രത്യേക അറ്റസ്റ്റേഷന് ക്യാമ്പ് ജില്ലയില് നാളെ (മാര്ച്ച് 25). രാവിലെ 10.30 മുതല് ഉച്ചയ്ക്ക് രണ്ടു വരെ കളക്ടറേറ്റിലെ മിനി കോണ്ഫറന്സ് ഹാളില് നടക്കുന്ന അറ്റസ്റ്റേഷന് ക്യാമ്പില് മുന്കൂട്ടി രജിസ്റ്റര് ചെയ്തവര്ക്ക് പങ്കെടുക്കാം. രജിസ്റ്റര് ചെയ്ത് അപേക്ഷയുടെ പ്രിന്റ് ഔട്ട്, പാസ്പോര്ട്ട്, സര്ട്ടിഫിക്കറ്റുകള്, മാര്ക്ക് ലിസ്റ്റുകള് എന്നിവയുടെ അസലും പകര്പ്പും സഹിതം എത്തണം. വ്യക്തിവിവര സര്ട്ടിഫിക്കറ്റുകളുടെ അറ്റസ്റ്റേഷനായുളള അപേക്ഷയും ക്യാമ്പില് സ്വീകരിക്കും. നോര്ക്ക റൂട്ട്സിന്റെ തിരുവനന്തപുരം സെന്ററില് സര്ട്ടിഫിക്കറ്റ് അറ്റസ്റ്റേഷന് നാളെ (മാര്ച്ച് 25) ഉണ്ടായിരിക്കില്ല. കേരളത്തില് നിന്നുളള സര്ട്ടിഫിക്കറ്റുകള് മാത്രമേ നോര്ക്കാ റൂട്ട്സ് വഴി അറ്റസ്റ്റേഷനു നല്കാനാകൂ.
വിവരങ്ങള്ക്ക് 0471-2770500, 2329951, +91-8281004903 (പ്രവൃത്തിദിനങ്ങളില്) നമ്പറുകളിലോ 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളിലോ 18004253939 ഇന്ത്യയില് നിന്നും +91-8802012345 വിദേശത്തു നിന്നും (മിസ്ഡ് കോള് സൗകര്യം) ബന്ധപ്പെടാം. വിദ്യാഭ്യാസം, വ്യക്തിഗത വിവരങ്ങള് അടങ്ങിയ സര്ട്ടിഫിക്കറ്റുകളുടെ സാക്ഷ്യപ്പെടുത്തല്, ഹോം അറ്റസ്റ്റേഷന്, എം.ഇ.എ (മിനിസ്ട്രി ഓഫ് എക്സ്റ്റേണല് അഫയേഴ്സ്) സാക്ഷ്യപ്പെടുത്തല്, വിവിധ എംബസികളുടെ സാക്ഷ്യപ്പെടുത്തല് എന്നിവ നോര്ക്ക റൂട്ട്സ് വഴി ലഭ്യമാണ്. യു.എ.ഇ, ഖത്തര്, ബഹറിന്, കുവൈറ്റ്, സൗദി അറേബ്യ എന്നീ എംബസി സാക്ഷ്യപ്പെടുത്തലുകള്ക്കും അപ്പോസ്റ്റില് അറ്റസ്റ്റേഷനു വേണ്ടിയും നോര്ക്ക റൂട്ട്സ് വഴി സര്ട്ടിഫിക്കറ്റുകള് സമര്പ്പിക്കാം.
