കോന്നി : തൊഴിലുറപ്പ് തൊഴിലാളികളുടെ തൊഴിൽ ദിനങ്ങൾ വർദ്ധിപ്പിക്കുക, കൂലി 600 രൂപയാക്കി ഉയർത്തുക, കൂലി കുടിശിഖ അടിയന്തിരമായി തൊഴിലാളികൾക്ക് നൽകുക, തൊഴിലാളികൾക്ക് ക്ഷേമനിധി നടപ്പാക്കുക, പ്രെട്രോളിയം ഉൽപ്പനങ്ങളുടെ വില വർദ്ധനവ് പിൻവലിക്കുക, എന്നീ ആവശ്യങ്ങളുമായി എൻആർഇജി വർക്കേഴ്സ് യൂണിയൻ കോന്നി ഏരിയ കമ്മിറ്റിയുടെ നേതൃത്വത്തിൽ കോന്നി ബിഎസ്എൻഎൽ ഓഫീസിലേക്ക് മാർച്ചും ധർണ്ണയും നടത്തി.
ജില്ലാ പ്രസിഡൻ്റെ ഭദ്രകുമാരി ധർണ്ണ ഉദ്ഘാടനം ചെയ്തു. ഏരിയ പ്രസിഡൻ്റ് പി സിന്ധു അധ്യക്ഷയായി. ഏരിയ സെക്രട്ടറി കെ എം മോഹനൻ, ജില്ലാ കമ്മിറ്റി അംഗങ്ങളായ കോന്നി വിജയകുമാർ, പ്രമോദ് എസ് ചന്ദ്രൻ, കെ പ്രകാശ് കുമാർ, കെ പി ശിവദാസ്, സതി എസ് കുമാർ, ലിജശിവ പ്രകാശ്, രാജി സി ബാബു, ഉദയകുമാർ എന്നിവർ സംസാരിച്ചു.