മണിമല: യുവതിയെ ഭര്തൃവീട്ടില് തൂങ്ങിമരിച്ച നിലയില് കണ്ടെത്തി. വള്ളംചിറ ഈട്ടിത്തടത്തില് പ്രകാശിന്റെ ഭാര്യ നിമ്മിയെയാണ് (27) ജീവനൊടുക്കിയ നിലയില് കണ്ടെത്തിയത്. വീടിന്റെ ജനല് അഴിയില് തൂങ്ങിമരിച്ച നിലയില് ആണ് നിമ്മിയെ കണ്ടെത്തിയത്. കര്ണാടകയില് നഴ്സായിരുന്ന നിമ്മി സ്വീഡനില് ജോലി ശരിയായതോടെ രണ്ടുമാസം മുമ്പാണ് മണിമലയിലെ വീട്ടിലെത്തിയത്. കോവിഡ് മൂലം വിദേശജോലി നഷ്ടപ്പെട്ട ഭര്ത്താവ് റോഷന് പാലായിലെ സ്വകാര്യസ്ഥാപനത്തില് ജോലി ചെയ്യുകയാണ്. രണ്ടു വര്ഷം മുമ്പായിരുന്നു വിവാഹം. കുടുംബപ്രശ്നങ്ങളോ സാമ്പത്തിക ബുദ്ധിമുട്ടുകളോ ഇല്ലായിരുന്നെന്ന് ഇവരുമായി അടുപ്പമുള്ളവര് വ്യക്തമാക്കി.
ഞായറാഴ്ച ഇരുവരും വള്ളംചിറയിലെ ഇടവകപ്പള്ളിയില് പോയിരുന്നു. തിരികെ വീട്ടിലെത്തി റോഷന്റെ മാതാപിതാക്കളുമൊരുമിച്ചു ഭക്ഷണം കഴിച്ചതിനു ശേഷം നിമ്മി മുറിയിലേക്കു പോയി. കുറേക്കഴിഞ്ഞ് റോഷന് ചെല്ലുമ്പോള് ബെഡ്റൂമിന്റെ കതക് ഉള്ളില്നിന്നു പൂട്ടിയിരുന്നു. വിളിച്ചിട്ടും തുറക്കാതായതോടെ കതക് വെട്ടിപ്പൊളിച്ചപ്പോള് നിമ്മിയെ ഷാളില് കുരുക്കുണ്ടാക്കി തൂങ്ങിയ നിലയിലാണു കണ്ടത്. ഷാള് മുറിച്ചുമാറ്റി മണിമലയിലെ സ്വകാര്യ ആശുപത്രിയിലെത്തിച്ചെങ്കിലും മരിച്ചിരുന്നു.
