മല്ലപ്പള്ളി : കോവിഡ് മഹാമാരിക്കാലത്ത് പകൽ സൂര്യനായും രാത്രി താരകങ്ങളായും രോഗികൾക്ക് പ്രകാശം ചൊരിഞ്ഞ ഭൂമിയിലെ മാലാഖമാർക്ക് ആദരവ് നല്കി. സീനിയർ ചേംബർ ഇന്റർനാഷണൽ മല്ലപ്പള്ളി ലീജിയനാണ് നേഴ്സസ് ദിനത്തിൽ മല്ലപ്പള്ളി താലൂക്ക് ആശുപത്രിയിൽ ചടങ്ങ് സംഘടിപ്പിച്ചത്. ഫ്ലോറൻസ് നേറ്റിംഗിലിന്റെ 202-ാമത് ജന്മദിനത്തിലായായിരുന്നു നേഴ്സസുമാരെ ആദരിച്ചത്.
ജില്ലാ പഞ്ചായത്തംഗം സി.കെ.ലതാകുമാരി ഉദ്ഘാടനം ചെയ്തു. സീനിയർ ചേംബർ പ്രസിഡന്റ് ജോൺസ് വറുഗീസിന്റെ അദ്ധ്യക്ഷത വഹിച്ചു. കുഞ്ഞു കോശി പോൾ , ഡോ.സിനീഷ് പി.ജോയി, ഡോ.മാത്യു മാരേട്ട് , പ്രൊഫ. ഏബ്രഹ്രാം ജോർജ് , ജോൺ തോമസ്, റെജി ശമുവേൽ , ബെന്നി പാറേൽ, സെബാൻ കെ.ജോർജ് ,കെ.ആര് ജയശ്രീ എന്നിവർ പ്രസംഗിച്ചു. 26 നേഴ്സുമാർക്കു മോമന്റോ നൽകി ആദരിച്ചു.
