ഭുവനേശ്വര്: ഒഡിഷ നടിയും ഗായികയുമായ രുചിസ്മിത ഗാരുവിനെ വീട്ടില് തൂങ്ങി മരിച്ച നിലയില് കണ്ടെത്തി. ഞായറാഴ്ച ബലംഗീര് ജില്ലയിലെ അമ്മാവന്റെ വീട്ടില് ദുരൂഹ സാഹചര്യത്തില് തൂങ്ങിമരിച്ച നിലയില് കണ്ടെത്തി. ലോക്കല് പോലീസ് സ്ഥലത്തെത്തി മൃതദേഹം പോസ്റ്റ്മോര്ട്ടത്തിനായി അയച്ചു. കുടുംബാംഗങ്ങളെ പോലീസ് ചോദ്യം ചെയ്തു. ഇതിനുമുന്പും മകള് ജീവനൊടുക്കാന് ശ്രമിച്ചിട്ടുണ്ടെന്ന് അമ്മ പൊലീസിനോട് പറഞ്ഞു. മരിക്കുന്നതിന് തൊട്ടുമുന്പ് ഭക്ഷണം ഉണ്ടാക്കുന്നതുമായി ബന്ധപ്പെട്ട് അമ്മയുമായി വാക്കുതര്ക്കം നടന്നതായും റിപ്പോര്ട്ടുകളുണ്ട്.
സംഭവത്തില് പോലീസ് അന്വേഷണം ആരംഭിച്ചിട്ടുണ്ട്.നടിയും ഗായികയുമായ രുചിസ്മിത സംഗീത ആല്ബങ്ങളിലൂടെയാണ് ശ്രദ്ധിക്കപ്പെടുന്നത്. നിരവധി സംഗീത ആല്ബങ്ങളില് അഭിനയിച്ചിട്ടുണ്ട്. സ്റ്റേജ് ഷോകളിലും സജീവസാന്നിധ്യമായിരുന്നു. സോനേപൂര് ജില്ലയില് നിന്നുള്ള ഗായിക, കുടുംബാംഗങ്ങള്ക്കൊപ്പം ബലംഗീര് ടൗണിലെ തല്പാലി പ്രദേശത്താണ് താമസിച്ചിരുന്നത്.
