ന്യൂഡൽഹി : ഇന്ത്യയുടെ ഊർജ സുരക്ഷയ്ക്ക് വൻ കുതിപ്പേകിക്കൊണ്ട് ആൻഡമാൻ കടൽത്തീര മേഖലയിൽ വീണ്ടും പ്രകൃതിവാതക നിക്ഷേപം കണ്ടെത്തി പൊതുമേഖലാ സ്ഥാപനമായ ഓയിൽ ഇന്ത്യ ലിമിറ്റഡ്. ഈ മേഖലയിൽ കമ്പനി നടത്തുന്ന പര്യവേഷണങ്ങളിലെ രണ്ടാമത്തെ വലിയ വിജയമാണിത്. ഔദ്യോഗിക പ്രഖ്യാപനം പുറത്തുവന്നതോടെ ഓയിൽ ഇന്ത്യയുടെ ഓഹരി വിലയിലും വൻ വർധനവുണ്ടായി. ആൻഡമാൻ ദ്വീപുകളുടെ കിഴക്കൻ തീരത്തുനിന്ന് ഏകദേശം 15 കിലോമീറ്റർ അകലെയുള്ള ‘ആൻഡമാൻ ഷാലോ ഓഫ്ഷോർ ബ്ലോക്കിലാണ്’ പുതിയ നിക്ഷേപം സ്ഥിരീകരിച്ചത്. കേന്ദ്ര സർക്കാരിന്റെ ഓപ്പൺ ഏക്രേജ് ലൈസൻസിങ് പോളിസി (OALP) പ്രകാരം, 355 മീറ്റർ ആഴമുള്ള കടൽമേഖലയിൽ ഖനനം നടത്തിയ ‘വിജയപുരം-3’ എന്ന പര്യവേഷണ കിണറ്റിലാണ് വാതക സാന്നിധ്യം കണ്ടെത്തിയത്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
