ഓമല്ലൂർ: ഓമല്ലൂർ ആര്യ ഭാരതി ഹൈസ്കൂളിൽ രാജ്യത്തിൻ്റെ 75 മത്തെ സ്വാതന്ത്രദിന വാർഷികത്തിൽ 750 കുട്ടികൾ ഇന്ത്യയുടെ ഭൂപടത്തിൽ അണിനിരന്ന് അഘോഷങ്ങൾ നടത്തി. രാവിലെ 8.30 ന് സ്കൂൾ അങ്കണത്തിൽ വരച്ചിരിക്കുന്ന ഭാരതത്തിൻ്റെ ഭൂപടത്തിൽ ഒരേ കളർ വസ്ത്രം ധരിച്ചെത്തിയ 750 കുട്ടികൾ നിരയായി നിന്ന് ദേശഭക്തി ഗാനങ്ങളും സ്വതന്ത്ര ദിന സന്ദേശങ്ങളും വിദ്യാർത്ഥികൾ അവതരിപ്പിച്ചു. രാജ്യ നേതാക്കൻമാരുടെയും ഭാരതമാതാവിൻ്റെയും വേഷത്തിലുള്ള കുട്ടികളും കൗതുകങ്ങളായിരുന്നു.
9 മണിക്ക് പ്രധാന അധ്യാപകൻ ലിജു ജോർജ് ദേശീയ പതാക ഉയർത്തി. തുടർന്ന് നടന്ന പരിപാടി പഞ്ചായത്ത് പ്രസിഡൻ്റ് ജോൺസൺ വിളവിനാൽ ഉദ്ഘാടനം ചെയ്തു. പിടിഎ പ്രസിഡൻ്റ് തോമസ് മാത്യുവിൻ്റെ അദ്ധ്യക്ഷതയിൽ സുനിത മാത്യു, എബി മോൻ N ജോൺ, സൈമൺ വിഎസ്, സിൽവി ജോഷ്വാ ,ജർലിൻ എം ജോൺ, സൗമത്യ സുരേഷ്, സാനിയ സുരേഷ്,അബിനവ് രവി എന്നിവർ പ്രസംഗിച്ചു.