ഓമല്ലൂര് : ചരിത്ര പ്രസിദ്ധമായ ഓമല്ലൂര് വയല്വാണിഭം ഈ വര്ഷം നടത്താന് ഓമല്ലൂരില് ചേര്ന്ന സംഘാടക സമിതി തീരുമാനിച്ചു. കോവിഡ് പ്രതിസന്ധി മൂലം കഴിഞ്ഞ രണ്ട് വര്ഷക്കാലം വയല്വാണിഭം നടത്തുവാന് സാധിച്ചിരുന്നില്ല. അഞ്ഞൂറിലേറെ വര്ഷം പഴക്കമുള്ള ഓമല്ലൂരിന്റെ ഉത്സവമായ വയല്വാണിഭം കൊല്ലം ജില്ലയിലെ വെളിനെല്ലൂര് പഞ്ചായത്തില് നിന്നും ആരംഭിക്കുന്ന ദീപശിഖാ പ്രയാണത്തോടെ മീനമാസം ഒന്നിനാണ് തുടക്കമാകുന്നത്.
വിവിധ സെമിനാറുകള്, കാര്ഷിക വിപണനമേളകള്, കന്നുകാലി ചന്തകള്, സാംസ്കാരിക സദസുകള്, എന്നിവ വയല്വാണിഭത്തിന്റെ ഭാഗമായി നടക്കും. ഗ്രാമ പഞ്ചായത്ത് പ്രസിഡന്റ് ജോണ്സണ് വിളവിനാലിന്റെ അദ്ധ്യക്ഷതയില് കൂടിയ യോഗത്തില് ജനപ്രതിനിധികള്, വിവിധ രാഷ്ട്രീയ പാര്ട്ടി പ്രതിനിധികള് വ്യാപാരി വ്യവസായി പ്രതിനിധികള്, സി ഡി എസ് കുടുംബശ്രീ അംഗങ്ങള്, സാമൂഹിക പ്രവര്ത്തകര് എന്നിവര് പങ്കെടുത്തു.
