തിരുവനന്തപുരം : സംസ്ഥാനത്ത് 25 പേര്ക്കു കൂടി ഒമിക്രോണ് സ്ഥിരീകരിച്ചതായി ആരോഗ്യ മന്ത്രി വീണാ ജോര്ജ് അറിയിച്ചു. മലപ്പുറം ജില്ലയില് 19 പേര്ക്കും ആലപ്പുഴ, തൃശൂര് ജില്ലകളില് മൂന്നുപേര്ക്കു വീതവുമാണ് രോഗം സ്ഥിരീകരിച്ചത്.23 പേര് ലോ റിസ്ക് രാജ്യങ്ങളില്നിന്നു വന്നവരാണ്. രണ്ടു പേര്ക്ക് സമ്പര്ക്കത്തിലൂടെയാണു രോഗം ബാധിച്ചത്. മലപ്പുറം ജില്ലയിലെ നാല്പ്പത്തി രണ്ടുകാരിക്കും തൃശൂര് ജില്ലയിലെ പത്തു വയസുകാരിക്കുമാണു സമ്പര്ക്കത്തിലൂടെ രോഗം ബാധിച്ചത്.
മലപ്പുറത്ത് രോഗം സ്ഥിരീകരിച്ചവരില് 14 പേര് യുഎഇയില്നിന്നും നാലുപേര് പേര് ഖത്തറില്നിന്നും വന്നതാണ്. ആലപ്പുഴയിലെ രണ്ടു പേര് യുഎഇയില്നിന്നും ഒരാള് സൗദി അറേബ്യയില് നിന്നും തൃശൂരില് ഒരാള് ഖത്തറില് നിന്നും ഒരാള് അമേരിക്കയില് നിന്നും വന്നതാണ്.
സംസ്ഥാനത്ത് ഇതുവരെ 305 പേര്ക്കാണ് ഒമിക്രോണ് സ്ഥിരീകരിച്ചത്. ലോ റിസ്ക് രാജ്യങ്ങളില് നിന്ന് 209 പേരും ഹൈ റിസ്ക് രാജ്യങ്ങളില് നിന്ന് 64 പേരും എത്തി. 32 പേര്ക്കു സമ്പര്ക്കത്തിലൂടെയാണ് രോഗം ബാധിച്ചത്.
