കോന്നി : കോന്നി ഗ്രാമപഞ്ചായത്ത് പരിധിയില് വരുന്ന ശൗചാലയങ്ങള് പൂട്ടിയിട്ടിരിക്കുന്നത് പൊതു ജനങ്ങളെ ദുരിതത്തിലാക്കുന്നു. കോന്നി കെ എസ് ആര് ടി സി ഓപ്പറേറ്റിംഗ് സ്റ്റേഷന് പ്രവര്ത്തിക്കുന്ന പഞ്ചായത്ത് കെട്ടിടം, കോന്നി നാരായണപുരം ചന്ത എന്നിവടങ്ങളിലെ ശൗചാലയങ്ങള് അടക്കം കോന്നി പഞ്ചായത്തിലെ ശൗചാലയങ്ങള് മൂഴുവന് പൂട്ടിയ അവസ്ഥയിലാണ്. കെ എസ് ആര് ടി സി ഓപ്പറേറ്റിംഗ് സ്റ്റേഷന് പ്രവര്ത്തിച്ചിരുന്ന കെട്ടിടത്തിലെ ശൗചാലയങ്ങള് പൂട്ടിയതിനെ തുടര്ന്ന് ഇവിടെ പ്രവര്ത്തിക്കുന്ന കടകളിലേയും ഓഫീസുകളിലേയും വനിതാ ജീവനക്കാരടക്കം പ്രതിഷേധവുമായി രംഗത്ത് വന്നിരുന്നു.
തുടര്ന്ന് ഡി വൈ എഫ് ഐ യുടെ നേതൃത്വത്തില് കോന്നി പഞ്ചായത്ത് ഓഫീസ് മാര്ച്ച് നടത്തിയതിനെ തുടര്ന്ന് വിഷയത്തിന് ഉടന് പരിഹാരം കാണുമെന്നും അറിയിച്ചിരുന്നു. നിരവധി ആളുകള് വിവിധ ആവശ്യങ്ങള്ക്കായി എത്തുന്ന കോന്നി നഗരത്തില് ശൗചാലയങ്ങള് തുറന്ന് നല്കാത്തത് ജനങ്ങളെ ബുദ്ധിമുട്ടിലാക്കുകയാണ്. കോന്നി നാരായണപുരം ചന്തയിലും നിര്മ്മിച്ച ശൗചാലയം ഇപ്പോള് കാടുകയറിയ അവസ്ഥയിലാണ്.
