റാന്നി : കീക്കൊഴൂരില് പമ്പാനദിയുടെ തീരത്തോടു ചേര്ന്നു കേഴയുടെതെന്നു സംശയിക്കുന്ന തലയോട്ടിയും കൊമ്പും കണ്ടെത്തി. കടുവയുടെ ആക്രമണത്തില് വനത്തില് കൊല്ലപ്പെട്ട മൃഗത്തിന്റെ അവശിഷ്ടങ്ങള് മലവെള്ളപ്പാച്ചിലില് ഒഴുകിയെത്തിതാവുമെന്നാണ് നിഗമനം. ഇന്നു അഞ്ചുമണിയോടെ കുളിക്കാനെത്തിയ നാട്ടുകാരാണ് ചെളിയില് പൂണ്ട നിലയില് മൃഗത്തിന്റെ കൊമ്പും തലയോട്ടിയും കണ്ടെത്തിയത്.
പേരൂര്ച്ചാല് പാലത്തിനു കീഴില് നിന്നുമാണ് മാനിന്റെയും കേഴയുടെയും എന്ന് സംശയിക്കുന്ന കൊമ്പുകള് കണ്ടത്. വിവരമറിഞ്ഞു സ്ഥലത്തെത്തിയ ചെറുകോല് പഞ്ചായത്ത് പ്രസിഡന്റ് സന്തോഷ്കുമാര് വനപാലകരെ വിവരം അറിയിച്ചു. റാന്നി വനം റേഞ്ച് ഓഫീസറുടെ നിര്ദ്ദേശപ്രകാരം കരികുളം ഡെപ്യൂട്ടി റേഞ്ചറുടെ നേതൃത്വത്തിലുള്ള സംഘം സ്ഥലത്തേക്ക് മേല്നടപടികള് സ്വീകരിക്കാനായി തിരിച്ചു
