കൊച്ചി : സംസ്ഥാനത്താദ്യമായി എറണാകുളത്ത് ഒമിക്രോണ് സ്ഥിരീകരിച്ചതോടെ ആശങ്കയില് ജില്ല. ഇതോടെ ഇതുവരെയുണ്ടായിരുന്ന ജാഗ്രതയും പ്രതിരോധ പ്രവര്ത്തനങ്ങളും ഇരട്ടിയാക്കാനൊരുങ്ങുകയാണ് ആരോഗ്യ വകുപ്പ്. യു.കെയില്നിന്ന് വിമാനമാര്ഗം കൊച്ചിയിലെത്തിയ എറണാകുളം ജില്ലക്കാരനാണ് രോഗം സ്ഥിരീകരിച്ചത്.
ഇദ്ദേഹത്തിന്റെ കുടുംബാംഗങ്ങളില് ചിലര്ക്ക് കോവിഡ് സ്ഥിരീകരിച്ചതും ആശങ്ക വര്ധിപ്പിക്കുന്നുണ്ട്. നേരത്തേ സംസ്ഥാനത്ത് ഹൈറിസ്ക് രാജ്യങ്ങളില് നിന്നെത്തിയ ചിലര്ക്ക് ഒമിക്രോണ് സംശയിച്ചിരുന്നെങ്കിലും ഇതെല്ലാം നെഗറ്റിവ് ആയിരുന്നു. എറണാകുളത്ത് രണ്ടു പേരുള്പ്പെടെ പത്തുപേര്ക്കാണ് ഒമിക്രോണ് പരിശോധനയില് ഫലം നെഗറ്റിവായത്.
