ന്യൂഡല്ഹി : കര്ണാടകയ്ക്കും, ഗുജറാത്തിനും, മഹാരാഷ്ട്രക്കും പിന്നാലെ ഡല്ഹിയിലും ഒമിക്രോണ് സ്ഥിരീകരിച്ചതായി സൂചന. ഔദ്യോഗിക സ്ഥിരീകരണം വന്നിട്ടില്ല. കൂടുതല് സംസ്ഥാനങ്ങളില് ഒമിക്രോണ് സ്ഥിരീകരിച്ചതോടെ ജാഗ്രത തുടരാന് കേന്ദ്ര സര്ക്കാര് ആവര്ത്തിച്ച് നിര്ദേശം നല്കി. പരിശോധന, നിരീക്ഷണം എന്നിവയില് വീഴ്ച വരുത്തരുത്.
കോവിഡ് കേസുകള് കൂടുതല് ഉള്ള കേരളം, കര്ണാടക, തമിഴ്നാട്, ഒഡീഷ, മിസോറാം, ജമ്മു കാശ്മീര് എന്നി സംസ്ഥാനങ്ങള്ക്ക് ഇക്കാര്യം ഉന്നയിച്ച് പ്രത്യേക നിര്ദേശം നല്കി. ഡല്ഹിയിലും ഒമിക്രോണ് സ്ഥിരീകരിച്ചതായി സൂചനയുണ്ടെങ്കിലും ഔദ്യോഗികമായി സ്ഥിരീകരിച്ചിട്ടില്ല.
സംസ്ഥാനത്ത് ഒമിക്രോണ് മാര്ഗ നിര്ദ്ദേശം പുറപ്പെടുവിച്ചിട്ടുണ്ട്. കേന്ദ്ര മാര്ഗ നിര്ദ്ദേശ പ്രകാരം റിസ്ക് രാജ്യങ്ങളില് നിന്നും വരുന്നവര്ക്ക് ഏഴ് ദിവസം ക്വാറന്റൈനും ഏഴ് ദിവസം സ്വയം നിരീക്ഷണവുമാണ് ഏര്പ്പെടുത്തിയിരിക്കുന്നത്. അല്ലാത്ത രാജ്യങ്ങളില് നിന്നും വരുന്നവര്ക്ക് 14 ദിവസം സ്വയം നിരീക്ഷണമാണ്.