തിരുവനന്തപുരം: കേരളത്തില് നിത്യോപയോഗ സാധനങ്ങളുടെ രൂക്ഷമായ വിലക്കയറ്റം കാരണം ജനത്തിന് ജീവിക്കാന് കഴിയാത്ത സാഹചര്യമാണെന്ന് കെപിസിസി പ്രസിഡന്റ് കെ സുധാകരന് എംപി. കഴിഞ്ഞ രണ്ടു മാസത്തിനിടെ പച്ചക്കറി, പലവ്യഞ്ജനം ഉള്പ്പെടെയുള്ള അവശ്യസാധനങ്ങള്ക്ക് അനിയന്ത്രിത വിലവര്ധനയാണ് ഉണ്ടായത്. വിപണി ഇടപെടല് നടത്തേണ്ട സര്ക്കാര് ഏജന്സിയായ സിവില് സപ്ലൈസ് കോര്പറേഷന് അടച്ചുപൂട്ടലിന്റെ വക്കിലാണ്. 3400 കോടിയോളം രൂപയുടെ ബാധ്യതയുള്ള സപ്ലൈകോ ഓണക്കാലത്ത് കാര്യമായി ഒന്നും ചെയ്യാന് കഴിയാത്ത സ്ഥിതിയാണ്. കരാറുകാര്ക്ക് പണം നല്കാനുള്ളതിനാല് ടെന്ഡര് നടപടികള് പോലും നടക്കുന്നില്ല.
ആര്ഭാടത്തിലും ധൂര്ത്തിലും മാത്രം ശ്രദ്ധ കേന്ദ്രീകരിച്ച സംസ്ഥാന സര്ക്കാര് ജനജീവിതം ദുസ്സഹമാക്കുന്ന വിലക്കയറ്റത്തെ പിടിച്ചുനിര്ത്താനോ ജനങ്ങള്ക്ക് ആശ്വാസം നല്കുന്ന നടപടികള് സ്വീകരിക്കാനോ തയ്യാറാകുന്നില്ല. ഓണക്കാലത്ത് മുടങ്ങാതെ നല്കി വന്നിരുന്ന കിറ്റ് വിതരണം എല്ലാവര്ക്കും ഇത്തവണ നല്കില്ലെന്ന് ധനമന്ത്രി തന്നെ വ്യക്തമാക്കി. ഇത് ജനങ്ങളോടുള്ള വെല്ലുവിളിയാണെന്നും സുധാകരന് പറഞ്ഞു.
