ഫോര്ട്ട്കൊച്ചി: പട്ടാപ്പകല് വീട്ടമ്മയെ വീട്ടില് കയറി കുത്തിപ്പരിക്കേല്പിച്ചശേഷം ഒളിവില്പോയ പ്രതി പിടിയില്. ഫോര്ട്ട്കൊച്ചി സൗത്ത് താമരപ്പറമ്പ് പുളിക്കല് വീട്ടില് ജൈസന് സേവ്യറിനെയാണ് (48) അറസ്റ്റ് ചെയ്തത്.
ഐ.എന്.എസ് ദ്രോണാചാര്യ ഗേറ്റിന് എതിര്വശം കുരിശിങ്കല് വീട്ടില് ജൂലിയറ്റ് എന്ന അമ്മിണിയെയാണ് പ്രതി ഈ മാസം 19ന് വീട്ടില് കയറി ആക്രമിച്ചത്. വസ്തു ഇടപാടില് കമീഷന് കൊടുത്തത് കുറഞ്ഞു പോയതാണ് പ്രതിയെ അക്രമത്തിനു പ്രേരിപ്പിച്ചത്. ഫോര്ട്ട്കൊച്ചി സര്ക്കിള് ഇന്സ്പെക്ടര് ജി.പി. മനുരാജിന്റെ നേതൃത്വത്തിലാണ് പ്രതിയെ അറസ്റ്റ് ചെയ്തത്.
