കോഴിക്കോട് : മാറാട് പോലീസ് സ്റ്റേഷനിലെ ഉദ്യോഗസ്ഥരെ ആക്രമിച്ച ഗുണ്ടാ സംഘത്തില് ഉള്പ്പെട്ട ഒരാള് പിടിയില്. മാറാട് ഗോതീശ്വരം ബീച്ച്, പിണ്ണാണത്ത് രജീഷ്കുമാറി (49)നെയാണ് വീട്ടില് നിന്ന് അറസ്റ്റ് ചെയ്തത്. മാറാട് പോലീസ് സ്റ്റേഷനിലെ എസ്ഐ എം സി ഹരീഷിനെയും പട്രോളിങ് ഡ്യൂട്ടിയില് ഒപ്പമുണ്ടായിരുന്ന പോലീസുകാരെയും ആക്രമിച്ച ഗുണ്ടാസംഘത്തില് ഉള്പ്പെട്ടയാളാണ് പിടിയിലായത്.
കഴിഞ്ഞ 28ന് രാത്രി 11ന് ഗോതീശ്വരം ബീച്ചില് ആണ് കേസിനാസ്പദമായ സംഭവം. വ്യാഴാഴ്ച പുലര്ച്ചെ മാറാട് ഇന്സ്പക്ടര് രാജേഷ് കുമാറിന്റെ നേതൃത്വത്തില് നടത്തിയ റെയ്ഡിലാണ് ഇയാളെ പിടികൂടിയത്. ഒളിവില് പോയ മറ്റ് പ്രതികള്ക്കായി പോലീസ് അന്വേഷണം ശക്തമാക്കി. സ്റ്റേഷനിലെ എസ്ഐമാരായ ഹരീഷ്, ശശികുമാര്, എഎസ്ഐ. ശൈലേന്ദ്രന്, സിപിഒമാരായ സപ്ത സ്വരൂപ്, ജാങ്കിഷ്, ഷിനോജ്, ധന്യശ്രീ, സ്ട്രൈക്കര് ഫോഴ്സും ഡെപ്യൂട്ടി പോലീസ് കമ്മീഷണര് സ്വപ്നില് എം മഹാജന്റെ നേതൃത്വത്തിലുള്ള സിറ്റി ക്രൈം സ്കോഡും സംയുക്തമായി നടത്തിയ പരിശോധനയിലാണ് പ്രതി പിടിയിലായത്. കോടതിയില് ഹാജരാക്കിയ പ്രതിയെ 14 ദിവസത്തേക്ക് റിമാന്ഡ് ചെയ്തു.
