റാന്നി : വ്യത്യസ്തമായ ജീവിത ശൈലിയിലൂടെയും പ്രവർത്തനങ്ങളിലൂടെയും പരിസ്ഥിതി സംരക്ഷണത്തിന്റെ കാവലാളാകുവാൻ ഇന്നത്തെ യുവ തലമുറയ്ക്ക് കഴിയണമെന്ന് ബിഷപ്പ് തോമസ് കെ ഉമ്മന്‍ പറഞ്ഞു. സി.എസ്.ഐ യുവജനപ്രസ്ഥാനം വൈദിക ജില്ലാ യുവജന ഏകദിന ക്യാമ്പ് “റീച്ചാര്‍ജ് 2022” നിലയ്ക്കൽ സെന്റ്. തോമസ് എക്യൂമെനിക്കൽ ക്യാമ്പ് സെന്ററിൽ ഉദ്ഘാടനം ചെയ്യുകയായിരുന്നു അദ്ദേഹം.
കോവിഡാനന്തര കാലഘട്ടം ഉയർത്തുന്ന വെല്ലുവിളികൾ തിരിച്ചറിയുന്നതിനും അവയെ നേരിടുന്നതിനുമുള്ള പരിശീലനങ്ങളുമാണ് യുവജനതയ്ക്ക് ഇന്നാവശ്യം. കാലത്തിന്റെ രൂപാന്തരമനുസരിച്ച് പുതിയ ഊർജ്ജ സ്രോതസുകളാകുവാൻ യുവജനതയ്ക്ക് കഴിയണമെന്നും ബിഷപ്പ് പറഞ്ഞു. ജില്ലാ ചെയർമാൻ റവ. വര്‍ഗീസ് മാത്യു അധ്യക്ഷത വഹിച്ചു. ജില്ലാ കൺവീനർ റവ.സബിൻ ജോ ബെൻസൺ, മഹായിടവക യുവജനബോർഡ്‌ മുൻ സെക്രട്ടറി സാബു പുല്ലാട്ട്,സോനു ഡി. ഡാനിയേൽ, ലിജിൻ മാത്യു ജോസ്, ജില്ലാ സെക്രട്ടറി റ്റിജോ ചാക്കോ ജോസഫ്, ജീന റ്റി. ഫിലിപ്പ്, അൽഫിൻ എം. റെജി എന്നിവർ പ്രസംഗിച്ചു.
