വള്ളിക്കോട് : ഇന്ത്യൻ നാഷണൽ കോൺഗ്രസിന്റെ നൂറ്റി മുപ്പത്തി ഏഴാം ജന്മദിനത്തിൽ കോൺഗ്രസ് പ്രവർത്തകർക്കായി കെപിസിസി പ്രഖ്യാപിച്ച നൂറ്റിമുപ്പത്തിഏഴ് രൂപാ ചലഞ്ചിന്റെ വള്ളിക്കോട് മണ്ഡലംതല ഉദ്ഘാടനം കൈപ്പട്ടൂരിൽ ഡിസിസി ജനറൽ സെക്രട്ടറി സാമുവൽ കിഴക്കുപുറം ഉദ്ഘാടനം ചെയ്തു. മണ്ഡലം പ്രസിഡന്റ് പ്രൊഫ. ജി.ജോൺ അധ്യക്ഷത വഹിച്ചു.
ഡിസിസി ജനറൽ സെക്രട്ടറി സജി കൊട്ടക്കാട്, ബ്ലോക്ക്, മണ്ഡലം ഭാരവാഹികളായ പി.എൻ.ശ്രീദത്ത്, രാജശേഖരൻ നായർ, ഡോ. തോമസ് ജോർജ്, ഷിബു വള്ളിക്കോട്, റോസമ്മ ബാബുജി, ബിജു പള്ളിയാനിയേത്ത് എന്നിവർ പ്രസംഗിച്ചു. മണ്ഡലത്തിലെ ഇരുപത് ബൂത്തുകളിൽ നിന്നായി ആയിരം കുടുംബങ്ങളെ നൂറ്റിമുപ്പത്തിഏഴ് രൂപാ ചലഞ്ചിൽ പങ്കാളികളാക്കാൻ മണ്ഡലം കോൺഗ്രസ് കമ്മിറ്റി യോഗം തീരുമാനിച്ചു.