കായംകുളം : കുഞ്ഞിനെ അമ്മ റെയില്വേ പാളത്തില് ഇരുത്തിയത് പരിഭ്രാന്തി പരത്തി. ഒരു വയസുള്ള കുഞ്ഞിനെയാണ് അമ്മ കായംകുളം റെയില്വേ സ്റ്റേഷന് പ്ലാറ്റ്ഫോമിനോട് ചേര്ന്ന പാളത്തില് ഇരുത്തിയത്. തിങ്കളാഴ്ച വൈകുന്നേരമാണ് സംഭവം. കുഞ്ഞിന്റെ അമ്മയ്ക്ക് മാനസികാസ്വാസ്ഥ്യമുണ്ട്. ട്രെയിന് കടന്നു പോകാത്ത സമയമായതിനാല് അപകടം ഒഴിവായി. ശബരി എക്സ്പ്രസിലാണ് അമ്മയും കുഞ്ഞും വന്നിറങ്ങിയത്. തെലുങ്കാണ് ഇവര് സംസാരിക്കുന്നത്. യുവതി കുറച്ച് നേരം പ്ലാറ്റ് ഫോമില് നിന്നശേഷം കുഞ്ഞിനെ എടുത്ത് റെയില്വേ പാളത്തില് വെക്കുകയായിരുന്നു.
യാത്രക്കാരും റെയില്വേ സംരക്ഷണ സേനയും ഇത് കണ്ട് ഓടിയെത്തി കുഞ്ഞിനെ എടുത്ത് മാറ്റി. യുവതി കൃത്യമായി കാര്യങ്ങള് ഒന്നും പറയുന്നില്ല. തെലുങ്കില് അവ്യക്തതയോടെയാണ് സംസാരിച്ചത്. ഇതിനിടെ പിങ്ക് പോലീസ് സ്ഥലത്ത് എത്തി. തുടര്ന്ന് അമ്മയെയും കുഞ്ഞിനെയും വനിതശിശുക്ഷേമവകുപ്പിന്റെ നിയന്ത്രണത്തിലുള്ള സ്നേഹിത കേന്ദ്രത്തിലേക്ക് മാറ്റി.
