ന്യൂഡല്ഹി : എൻഫോഴ്സ്മെന്റ് ഡയറക്ടറേറ്റുമായി സഹകരിച്ചിട്ടുണ്ടെന്ന് ഓൺലൈൻ പേയ്മെന്റ് ആപ്ലിക്കേഷനായ റേസർപേ. ഇഡി തങ്ങളുടെ ഫണ്ടുകൾ മരവിപ്പിച്ചിട്ടില്ലെന്നും റേസർപേ വ്യക്തമാക്കി. നിയമവിരുദ്ധമായി നടത്തുന്ന ഓൺലൈൻ ലോൺ ആപ്പുകൾക്കെതിരെ നടന്നുകൊണ്ടിരിക്കുന്ന അന്വേഷണത്തിന്റെ ഭാഗമായായി എൻഫോഴ്സ്മെന്റ് ഡയറക്ടറേറ്റ് അടുത്തിടെ റേസർപേ റെയ്ഡ് ചെയ്തിരുന്നു. ഞങ്ങളുടെ എല്ലാ പ്രവർത്തനങ്ങളും റെഗുലേറ്ററി മാനദണ്ഡങ്ങൾ പാലിച്ചാണെന്നും മാർഗ്ഗനിർദ്ദേശങ്ങൾ ലംഘിക്കാറില്ലെന്നും റേസർപേയുടെ വക്താവ് പറഞ്ഞു. റേസർപേയുടെ ഫണ്ടുകളൊന്നും മരവിപ്പിച്ചിട്ടില്ല എന്നും അദ്ദേഹം വ്യക്തമാക്കി.
