കോട്ടയം : രാജീവ്ഗാന്ധിയുടെ ഓര്മകളെ പോലും ഭയപ്പെടുന്നതുകൊണ്ടാണ് പരമോന്നത കായിക ബഹുമതിയുടെ പേരു മാറ്റുവാന് ബി.ജെ.പി സര്ക്കാര് തീരുമാനിച്ചതെന്ന് ഉമ്മന് ചാണ്ടി. ജില്ല കോണ്ഗ്രസ് കമ്മിറ്റി സംഘടിപ്പിച്ച മുന് പ്രധാനമന്ത്രി രാജീവ് ഗാന്ധിയുടെ 77 ാം ജന്മദിനാചരണ പരിപാടികള് ഉദ്ഘാടനം ചെയ്യുകയായിരുന്നു അദ്ദേഹം.
രാജീവ് ഗാന്ധി വിഭാവനം ചെയ്ത പഞ്ചായത്തീരാജ് നഗര പാലിക നിയമമാണ് അധികാര വികേന്ദ്രീകരണത്തിന്റെ അടിസ്ഥാന ശില. രാജീവ് ഗാന്ധി പാര്ലമെന്റില് അവതരിപ്പിച്ച പഞ്ചായത്ത് രാജ് നിയമം ഇടതുപക്ഷവും ബി.ജെ.പിയും ചേര്ന്ന് പരാജയപ്പെടുത്തിയെങ്കിലും പിന്നീട് അധികാരത്തില് വന്ന കോണ്ഗ്രസ് ഗവണ്മെന്റ് ഈ നിയമം യാഥാര്ഥ്യമാക്കിയതാണ് രാജ്യപുരോഗതി ത്വരിതപ്പെടുത്തിയതെന്ന് അദ്ദേഹം പറഞ്ഞു.
ഡി.സി.സി പ്രസിഡന്റ് ജോഷി ഫിലിപ്പ് അധ്യക്ഷത വഹിച്ചു. തിരുവഞ്ചൂര് രാധാകൃഷ്ണന് എം.എല്.എ, കെ.സി ജോസഫ്, അഡ്വ.ടോമി കല്ലാനി, ഫിലിപ്പ് ജോസഫ്, കുഞ്ഞ് ഇല്ലംപള്ളി, നാട്ടകം സുരേഷ്, നഗരസഭാ അധ്യക്ഷ ബിന്സി സെബാസ്റ്റ്യന്, രാധാ വി നായര്, ഫില്സണ്മാത്യൂസ്, ബിജു പുന്നത്താനം, മോഹന്. കെ നായര്, എ.കെ ചന്ദ്രമോഹന്, എം.പി സന്തോഷ് കുമാര്, ഷിന്സ് പീറ്റര്, യൂജിന് തോമസ്, ജോമോന് ഐക്കര, സിബി ചേനപ്പാടി, ജോണി ജോസഫ്, നന്തിയോട് ബഷീര്, ബോബന് തോപ്പില്, ബാബു. കെ കോര തുടങ്ങിയവര് സംസാരിച്ചു.
