പ്രതിപക്ഷം അവതരിപ്പിച്ച അടിയന്തര പ്രമേയത്തിന്റെ പേര് ‘സഭ ഇപ്പോള്‍ നിര്‍ത്തിവെക്കുന്നു’

തിരുവനന്തപുരം : സ്വര്‍ണക്കടത്ത് കേസുമായി ബന്ധപ്പെട്ട ആരോപണങ്ങളില്‍ സഭയില്‍ പ്രതിപക്ഷം അവതരിപ്പിച്ച അടിയന്തര പ്രമേയത്തിന്റെ പേര് ‘സഭ ഇപ്പോള്‍ നിര്‍ത്തിവെക്കുന്നു’ എന്നായിരുന്നു. സ്പീക്കര്‍ എം.ബി.രാജേഷിനെ പരോക്ഷമായി പരിഹസിച്ചുകൊണ്ടാണ് ഷാഫി പറമ്പില്‍ എംഎല്‍എ അവതരിപ്പിച്ച പ്രമേയത്തിന് ഇങ്ങനെ പേരിട്ടിരിക്കുന്നത്. ഷാഫി പറമ്പിലിനെ പ്രമേയം അവതരിപ്പിക്കാന്‍ സ്പീക്കര്‍ ക്ഷണിച്ചതും സഭ ഇപ്പോള്‍ നിര്‍ത്തിവെക്കുന്നു എന്ന പ്രമേയം അവതരിപ്പിക്കാം എന്ന് പറഞ്ഞുകൊണ്ടാണ്‌. നിയമസഭയിലെ മാധ്യമ വിലക്കുകളും സ്പീക്കര്‍ ഏകപക്ഷീയമായ നിലപാടുകള്‍ സ്വീകരിക്കുന്നുവെന്നും ആരോപിച്ച്‌ യുഡിഎഫ് അംഗങ്ങള്‍ പ്രതിഷേധിച്ചിരുന്നു.