തിരുവനന്തപുരം : ഗവര്ണര് ആരിഫ് മുഹമ്മദ് ഖാനെ സര്വകലാശാലകളുടെ ചാന്സലര് പദവിയില് നിന്ന് നീക്കാന് സര്ക്കാര് ഓര്ഡിനന്സ് ഇറക്കും. ഇതിന് മന്ത്രിസഭായോഗം അംഗീകാരം നല്കി. വിസിമാരെ പുറത്താക്കിയതടക്കം ഗവര്ണര് സര്ക്കാരുമായി ഏറ്റുമുട്ടല് തുടരുന്ന സാഹചര്യത്തിലാണ് നീക്കം. സര്വകലാശാലകളിലെ സര്ക്കാര് ഇടപെടലിന്റെ പേരില് ഗവര്ണര് നേരത്തേ ചാന്സലര് പദവി ഒഴിയാന് തയാറാണെന്ന് പരസ്യമായി പ്രഖ്യാപിച്ചിരുന്നു.
അതിനായി നിയമനിര്മാണം നടത്തിയാല് ഒപ്പിടാന് തയാറാണെന്നും ആരിഫ് മുഹമ്മദ് ഖാന് മാധ്യമങ്ങളോട് പറഞ്ഞിരുന്നു. തര്ക്കം മുറുകിയപ്പോള് ചാന്സലറുടെ ചുമതലകള് നിറവേറ്റുന്നതില് നിന്ന് അദ്ദേഹം വിട്ടുനില്ക്കുകയും ചെയ്തു. തുടര്ന്ന് ചാന്സലറായി തുടരണമെന്ന് സര്ക്കാര് നിര്ബന്ധിച്ചപ്പോഴാണ് അദ്ദേഹം വഴങ്ങിയത്. പുതിയ സാഹചര്യത്തില് ഓര്ഡിനന്സില് ഗവര്ണര് ഒപ്പുവെക്കുമോയെന്ന് ഉറപ്പില്ല. ഗവര്ണര് ഒപ്പുവെയ്ക്കാതെ ഓര്ഡിനന്സിന് നിയമപ്രാബല്യം ഉണ്ടാവില്ല.
ജേര്ണലിസം പഠിച്ചവര്ക്ക് ഇന്റേൺഷിപ്പ്
പ്രമുഖ ഓണ് ലൈന് ന്യൂസ് പോര്ട്ടല് ആയ പത്തനംതിട്ട മീഡിയയില് ജേര്ണലിസം പഠിച്ചവര്ക്ക് ഇന്റേൺഷിപ്പ് ചെയ്യുവാന് അവസരം. പത്തനംതിട്ട ഓഫീസില് ആയിരിക്കും ഇന്റേൺഷിപ്പ് നല്കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില് വെബ് ജേര്ണലിസ്റ്റ്, അവതാരകര്, റിപ്പോര്ട്ടര് തുടങ്ങിയ തസ്തികകളില് ജോലി ലഭിക്കുന്നതിന് മുന്ഗണനയുണ്ടായിരിക്കും. താല്പ്പര്യമുള്ളവര് ബയോഡാറ്റ മെയില് ചെയ്യുക. [email protected] കൂടുതല് വിവരങ്ങള്ക്ക് വിളിക്കാം – 94473 66263, 85471 98263, 0468 2333033.





























