മലയാലപ്പുഴ : തെളിനീരോഴുകും നവ കേരളം പരിപാടിയുടെ ഭാഗമായി മലയാലപ്പുഴ ഗ്രാമ പഞ്ചായത്ത്‌ തല ജലനടത്തം, ജലസഭ എന്നിവയുടെ ഔദ്യോഗിക ഉദ്ഘാടനം ഇന്നലെ രാവിലെ 11മണിക്ക് വാർഡ് ഒന്നിലെ മീൻമുട്ടിക്കൽ പാലത്തിന്റെ സമീപം പഞ്ചായത്ത്‌ പ്രസിഡന്റ്‌ ഷീലകുമാരി ചാങ്ങയിൽ ഉദ്ഘാടനം ചെയ്തു. വൈസ് പ്രസിഡന്റ്‌ ശ്രീ. ഷാജി സ്വാഗതം പറഞ്ഞു. ഹരിത കേരള മിഷൻ കോർഡിനേറ്റർ ശ്രീ. ഷിറാസ് പദ്ധതി വിശദീകരണം നടത്തി.
യോഗത്തിൽ ഗ്രാമ പഞ്ചായത്ത്‌ അസിസ്റ്റന്റ് സെക്രട്ടറി അജിത് കുമാർ കൃതജ്ഞതരേഖപ്പെടുത്തി. ക്ഷേമ കാര്യസ്റ്റാൻഡിങ് കമ്മിറ്റി ചെയർമാൻ ശ്രീ. ബിജു എസ്, ഗ്രാമപഞ്ചായത്ത് അംഗങ്ങളായ ശ്രീ. മഞ്ജേഷ്, രജനീഷ് ഇടമുറി ഗ്രാമപഞ്ചായത് സെക്രട്ടറി ശ്രീ. വി എൻ. അനിൽ, ഹരിത കേരള മിഷൻ റിസോഴ്‌സ് പേഴ്സൺ, എ ശ്രീമതി അനുജ, ഓവർസീയർ ശ്രീമതി ബെൻസി, വിഇഒ മാരായ ശ്രീമതി അഞ്ചു, ആശ, ഹരിതകർമസേന അംഗങ്ങൾ, തൊഴിലുറപ്പ് പദ്ധതി മേറ്റ്, തൊഴിലാളികൾ, കുടുംബശ്രീ എ ഡി എസ് അംഗങ്ങൾ എന്നിവർ പങ്കെടുത്തു.
