റാന്നി : സ്വാതന്ത്യ സമ്പാദനത്തിൻ്റെ 75-ാം വാർഷികത്തിൻ്റെ ഭാഗമായുള്ള ”ആസാദി കാ അമൃത മഹോത്സ”വത്തിൻ്റെയും ലീഗൽ സർവ്വീസസ് വാരാഘോഷത്തിൻ്റെയും ഭാഗമായി അങ്ങാടി പഞ്ചായത്തിൽ നിയമബോധവൽക്കരണ സെമിനാർ സംഘടിപ്പിച്ചു. അങ്ങാടി ഗ്രാമപഞ്ചായത്ത് പ്രസിഡൻ്റ് അഡ്വ.ബിന്ദു റജി ഉദ്ഘാടനം ചെയ്തു.
പുല്ലൂപ്രം പി.സി ഹൈസ്കൂളിൽ നടന്ന യോഗത്തിൽ വാർഡ് മെമ്പർ ടി.ഡി രാധാകൃഷ്ണൻ അധ്യക്ഷത വഹിച്ചു. കുടുംബശ്രീ ഭാരവാഹികളായ ഓമനാ മോഹൻ, അജിതാ അജി, ഗീതാ അജിത്ത് എന്നിവർ പ്രസംഗിച്ചു. മുതിർന്നവരുടെയും രക്ഷാകർത്താക്കളുടെയും സംരക്ഷണ നിയമം 2007 നെക്കുറിച്ച് തിരുവല്ല മെയിൻ്റനൻസ് ട്രൈബൂണൽ കൺസീലിയേഷൻ ഓഫീസർ വി.കെ രാജഗോപാൽ ബോധവത്ക്കരണ ക്ലാസെടുത്തു.
