കോന്നി : ഹാരിസൺ മലയാളം കുമ്പഴ എസ്റ്റേറ്റും എക്സൈസ് വകുപ്പ് സംയുക്തമായി സംഘടിപ്പിച്ച “ലഹരി മുക്ത നവകേരളം ” എന്ന വിഷയത്തെ ആസ്പദമാക്കി സെമിനാർ സംഘടിപ്പിച്ചു. കുമ്പഴ ഫാക്ടറിയിൽ വെച്ച് നടന്ന സെമിനാർ അഡ്വ.കെ യു ജനീഷ് കുമാർ എംഎൽഎ ഉദ്ഘാടനം ചെയ്തു. ജില്ലാ പഞ്ചായത്ത് അംഗം ജിജോ മോഡി മുഖ്യ പ്രഭാഷണം നടത്തി. മലയാലപ്പുഴ പഞ്ചായത്ത് പ്രസിഡന്റ് ഷീലാകുമാരി ചാങ്ങയിൽ അധ്യക്ഷയായി.
ഗ്രാമ പഞ്ചായത്ത് സ്ഥിരം സമിതി അധ്യക്ഷരായ എസ് ബിജു, പ്രീജ പി നായർ, എലിസബത്ത് രാജു, പഞ്ചായത്ത് അംഗം എൻ വളർ മതി, ഹാരിസൻ മലയാളം ചീഫ് മാനേജർ അനൂപ് ത്യാഗരാജൻ, മെഡിക്കൽ ഓഫീസർ ഡോ. സുനിൽ നീലകണ്ഡൻ എന്നിവർ പങ്കെടുത്തു. എക്സിസ് വകുപ്പിനു വേണ്ടി അഡ്വ. ജോസ് കളീക്കൽ ക്ലാസുകൾ നയിച്ചു. എക്സിക്യൂട്ടീവ് ഓഫീസർ പി അമൽദേവ് സ്വാഗതവും കെ എസ്
സജി നന്ദിയും പറഞ്ഞു.
